Scuntrada interrumantscha

La chanzun rumantscha

Festival 2025 a Vella
Il festival 2022 a Zuoz tar RTR
Proxim festival a Vella
3 fin 05-10-2025
3. Festival da la chanzun rumantscha

Il proxim Festival da la chanzun rumantscha ha lieu dals 3 fin ils 5 d’october 2025 a Vella en Lumnezia. La suprastanza da la UCR ed in comite local han gia cumenzà cun las preparativas. Il program vegn communitgà pli tard. Nudai gia oz il datum dal 3. Festival da la chanzun rumantscha en Lumnezia en Voss’agenda.

Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella
Vella

Photos © Mattias Nutt Photography / Vischnaunca Lumnezia

La concurrenza da cumposiziun 2025
Ina part essenziala dal festival è da promover cumposiziuns novas per noss chors. Perquai avain nus envida cumponistas e cumponists da crear cumposiziuns per enritgir la purschida per noss chors. Quellas èn vegnidas valitadas d’ina giuria professiunala e vegnan preschentadas durant il festival. La decisiun è lura tar il public che tscherna sias chanzuns favuritas da mintga categoria.
Regulativ

Reglemente auf deutsch
Introducziun

En il rom dal Festival da la chanzun rumantscha vegn organisada ina concurrenza da cumposiziun per novas chanzuns rumantschas per chor.

Finamira: Metter a disposiziun als chors rumantschs sco era a tut ils chors interessads d’ordvart novas chanzuns en rumantsch.

Premissa: Las chanzuns na dastgan betg esser memia pretensiusas. Nossa finamira è che tut ils chors sappien far diever da questas cumposiziuns. La concurrenza na dastga betg esser elitara! Ord las chanzuns inoltradas selecziunescha ina giuria professiunala mintgamai trais cumposiziuns per categoria (uffants, dunnas, maschadà, viril). Cun questa concurrenza lain nus era animar cumponistas e cumponists ch’èn betg da lingua rumantscha da partecipar ed uschè da metter en musica texts rumantschs.

Per dumondas
Cundiziuns

Participaziun: Participar pon tuttas cumponistas e tuts cumponists independent da la vegliadetgna e da la naziunalitad.

Categoria: En mintga categoria po vegnir inoltrada sulettamain ina cumposiziun/chanzun.

Publicaziun: La chanzun na dastga betg vegnir publitgada, producida e preschentada avon la fin da la concurrenza (5 d’october 2025).

Giuria: Ils commembers da la giuria na dastgan betg participar a la concurrenza.

Incumbensa

Categorias: La concurrenza vegn publitgada per quatter categorias: chor d’uffants (1 – 3 vuschs, accumpignament da clavazin è pussaivel), chor da dunnas, chor maschadà e chor viril (3 ubain 4 vuschs, sulettamain a cappella).

Grad da difficultad: Lev

Durada: 2 – 4 minutas

Texts: A disposiziun stattan poesias cun translaziuns en tudestg. Las cumponistas ed ils cumponists pon dentant era sez eleger in text rumantsch. Per ils dretgs dastgar cumponer las poesias elegidas èn las cumponistas, ils cumponists sezs responsabels.

Ils texts
Inoltrar

Inoltrar quatter copias da las chanzuns senza indicaziun dal num (cumponista / cumponist). Il num vegn remplazzà sin la partitura cun quatter cifras. Agiuntà vegn ina cuverta serrada – sin la vart davant vegn nudada la medema cifra sco sin la partitura. Era agiuntà in fegl cun las coordinatas da la cumponista / cumponist: num, prenum, adressa, numer da telefon, e-mail.

Trametter fin venderdi,
ils 28 da favrer 2025
(data dal bul postal) a: 

Festival da la
chanzun rumantscha
Giusep G. Decurtins
Via Canal 22
7153 Falera

La giuria consista da trais musicistas / musicists da professiun renconuschids en la scena da chor. Las decisiuns da la giuria na pon betg vegnir contestadas. I na dat nagina correspondenza da la concurrenza e la via giuridica è exclusa.
Or da las chanzuns inoltradas selecziunescha la giuria mintgamai trais chanzuns per categoria. Ils chors dal festival emprendan la chanzuns e preschentan quellas a caschun dal Festival a Vella al publicum. Silsuenter elegia il public en sala La chanzun dal public, era quai per mintga categoria. Las chanzuns ch’èn vegnidas selecziunadas vegnan publitgadas suenter il Festival a Vella automaticamain sin la nossa pagina d’internet e stattan a disposiziun a chors interessads. Las chanzuns na selecziunadas vegnan – cun lubientscha da las cumponistas, dals cumponists, medemamain publitgadas sin la nossa pagina d’internet e stattan era a disposiziun a chors interessads.
Per mintga categoria datti trais premis:

1. premi frs. 1500.-
2. premi frs. 1000.-
3. premi frs. 500.-
Chor d’uffants
1. premi
2. premi
3. premi
premi dal public

Chor da dunnas
1. premi
2. premi
3. premi
premi dal public

Chor maschadà
1. premi
2. premi
3. premi
premi dal public

Chor viril
1. premi
2. premi
3. premi
premi dal public
Ils victurs 2022 a Zuoz
Chor viril

1. premi

Christoph Cajöri

cun la chanzun DA CAPO
text d’Arnold Spescha

2. premi

David Lang

cun la chanzun LA PRÜM AMUR
text d’Artur Caflisch

3. premi

Flavio Bundi

cun la chanzun HIMNI ALLA PRIMAVERA
text d’Alfons Tuor

4. premi

Thomas Tschuor

cun la chanzun IL MATG EI CHEU
text d’Alfons Vinzens

Valitaziuns dal public

Flavio Bundi

cun la chanzun HIMNI ALLA PRIMAVERA

Chor maschadà

1. premi

Cyrill Schürch

cun la chanzun FLURAS
text da Gion Battesta Spescha

2. premi

Flavio Bundi

cun la chanzun EI PLUSCHIGNA
text d’Arnold Spescha

3. premi

Thomas Tschuor

cun la chanzun O EN
text da Jon Guidon

4. premi

Helena Reisp

cun la chanzun I CHATSCHA DI
text da Luisa Famos

Valitaziuns dal public

Helena Reisp

cun la chanzun I CHATSCHA DI

Chor d’uffants

1. premi

Jan van der Roost

cun la chanzun MIU MINMIN
text d’Arnold Spescha

2. premi

Cyrill Schürch

cun la chanzun I CHATSCHA DI
text da Luisa Famos

3. premi

Claudio Simonet

cun la chanzun IL GIAT
text d’Artur Caflisch

4. premi

Nina Mayer

cun la chanzun MAMMA
text da Nina Mayer

Valitaziuns dal public

Nina Mayer

cun la chanzun MAMMA

Download da las notas
La finamira dil festival
Per savair mantegnair ragischs èsi da gronda impurtanza ch’i dettia adina puspè novs chatschs. Autruisa daventa nossa cultura museala. Bain savend ch’i ha dà differentas emprovas en quella direcziun, èn ils organisaturs dal Festival da la chanzun rumantscha persvadì da la necessitad dad organisar ina fin d’emna che duai star daltuttafatg sut l’ensaina da la musica, en spezial da la chanzun rumantscha. In festival da la chanzun rumantscha ch’avess lieu regularmain mintga trais onns, fiss pia ina scuntrada interrumantscha.
Quai per vegnir conscient da quai ch’exista gia, lura dentant era per stgaffir ina plattafurma per novas ideas. Cun sias registraziuns ed emissiuns fa RTR gia dapi onns grondas stentas per far punts tranter ils idioms e tranter las regiuns e valladas rumantschas. I dat anc blers grondius stgazis musicals che pon vegnir scuverts! Era quai duai esser in patratg central. Ins duai rimnar, publitgar e vegnir conscients da l’agen stgazi. Ils cumponists duajan survegnir ina plattafurma per publitgar lur lavurs. Bler memia bler lavurs van a perder sin in u l’auter fegl sgulant.
Festival 2019 a Trun Festival 2022 a Zuoz
Uniun la chanzun rumantscha
La Rumantschia viva. Quai na sa mussa betg il pli davos en il chant ed en la chanzun rumantscha. I dat mellis chanzuns da tut gener. Chanzuns popularas, chanzuns religiusas, chanzuns da festa etc. Grondius cumponists ed auturs han contribuì bler, han scrit nundumbraivlas chanzuns d’auta qualitad, e mintgina da quellas è in crappin che furma la fin finala il mosaic da la chanzun rumantscha. Mintga chanzun è perditga da noss patratgs, nossas temas, nossa mentalitad, nossa cultura.

E nossa cultura furma ina part da nossa identitad. En la Bassa sentan ins adina puspè ch’i regia ina auta stima per la cultura da chant rumantsch. Quai è bel e nus dastgain avair plaschair da quai. Dentant, vivin nus vairamain daltuttafatg en il preschent, ubain vivin nus anc adina dals temps passads? Noss cumponists, pia ils auturs e stgaffiders da las chanzuns da chor, vegnan pli e pli scarts.
Statuts sco PDF
La suprastanza
Clau Scherrer
president
Flavia Walder
administraziun
Iris Cadalbert
cassiera
Giusep G. Decurtins
assessur
Glista da cumponists
L’uniun «La chanzun rumantscha» è premurada da tgirar ina glista cun cumponists da chanzuns rumantschas.
Questa glista vegn cumplettada successivamain cun ulteriuras infurmaziuns. Infurmaziuns biograficas chattais Vus era sin las paginas e-lir.ch ubain hls-dhs-dss.ch.
Avais Vus cumplettaziuns, correcturas?
Contactai nus cun quest link.
Glista sco PDF
Contact tier l’uniun